Faqat qiz farzandlarni tarbiyalayotgan oʻzbekistonlik sanʼatkorlar (foto)
Baʼzan ijtimoiy tarmoqlarda faqat qiz farzand koʻrgani uchun ayolidan ranjigan erkaklar haqidagi postlarga koʻzimiz tushib qoladi. Ammo farzandning jinsi koʻp jihatdan ayolga bogʻliq emasligi allaqachon tibbiyot tomonidan isbotlangan.
Oʻzbek shou-biznesi vakillari orasida ham faqat qiz farzandni tarbiyalayotgan mashhurlar bisyor. Ular nolishmaydi, aksincha qizlaridan faxrlanishadi.
Yulduz Hamidova
Ayni kunlarda AQSHda istiqomat qilayotgan Yulduz Hamidova ham uch nafar qiz farzandni tarbiyalagan. Uning toʻngʻich qizi Toshkentda, Fotima va Zuhra ismli egizaklari esa AQSHda yashaydi. Aktrisa ham aynan egizaklari sabab xorijga koʻchib oʻtgan. Ona va bolalar bir paytda universitetga qabul qilinib, tahsil olishmoqda.
Shohida Ismoilova
Shohida va Mahmud Ismoilovlarning ham uch nafar qiz farzandi bor. Aktrisa intervyularining birida kuyovlar ham oʻgʻil boʻla olishi haqida aytib oʻtgandi.
Turmush oʻrtogʻimning salomatligi yomonlashib qolganida kuyovlar ham oʻgʻildek boʻlolishini bildim. Uch nafar kuyovim ham yonimizda turib, navbati bilan dadamizga qarashdi. Oʻgʻlim yoʻq, deb oʻksinishga hojat yoʻq, mehribon kuyovlarim bor, deydi aktrisa Shohida Ismoilova.
Muqaddas Xoliqova
Oʻzbekiston xalq artisti Muqaddas Xoliqovaning uch nafar qiz farzandi bor. Toʻngʻich qizi Ominaxon bankda kadrlar boʻlimi boshligʻi lavozimida ishlaydi. Zebiniso qizi esa aktrisa, Oʻzbek milliy akademik drama teatrida faoliyat yuritadi. Kenja farzandi esa uy bekasi.
Elmurod Haqnazarov
Taniqli bloger va soʻz ustasi Elmurod Haqnazarov ham uch nafar qizni voyaga yetkazyapti. U “Daryo”ga bergan intervyusida aynan uch nafar qizi boʻlishini orzu qilgani haqida aytib oʻtgan.
Otabek Muhammadzohid
Otabek Muhammadzohidning ham uch nafar qiz farzandi va bitta oʻgʻli bor. Uylanmasdan avval “Mening ham uchta qizim boʻlsa, yaxshi tarbiya berib, egasiga topshirsam” deb niyat qilardim. Alloh oʻgʻil bersa quvonaman, ammo qizlarimning boriga ham shukr qilaman. Chunki dunyoda farzandsiz insonlar ham juda koʻp, degan Elmurod Haqnazarov.
Zuhra Ashurova
Aktrisa Zuhra Ashurova ham ikki farzandni voyaga yetkazgan. Toʻngʻich qizi Maftuna Ashurova boshlovchi va aktrisa sifatida faoliyat koʻrsatadi. Kenja farzandi Muslima Ashurova esa otasi Qahramon Ashurov kabi televideniye rejissori boʻlishni maʼqul koʻrgan. Ammo u hozircha ish faoliyatini boshlagani yoʻq.
Vazira Yunusova
Aktrisa Vazira Yunusova ham uch nafar qiz farzandning onasi. “Daryo”ga bergan intervyusida baʼzi hollarda oʻgʻli yoʻqligi sabab oʻksinishi haqida aytib oʻtgan.
Oʻgʻlim yoʻq, oʻlsam, tobutimni kim koʻtaradi, deb koʻp oʻylayman. Uchinchi qizimni ancha yil oʻtib dunyoga keltirgandim. Nolishga haqqim yoʻq, qizlarim juda mehribon, deydi aktrisa Vazira Yunusova.
