Telegram yoki Telegram X: 2024-2025 yillarda qaysi birini tanlash kerak?

Telegram X nima?

Avvalo, Telegram X – bu Telegramning yangilangan versiyasi bo‘lib, foydalanuvchilar uchun bir qator qulayliklarni taklif qiladi. Oddiy versiya bilan taqqoslaganda, ushbu versiyaning funksiyalari takomillashgan, imkoniyatlari ko‘proq va unumdorligi yuqori deb hisoblanadi.

Agar siz soddaligi va zamonaviy interfeysini qadrlaydigan hamda maxfiylikka alohida e’tibor beradiganlardan bo‘lsangiz, ushbu funksiyalar sizni qiziqtirishi aniq.

Telegram X oddiy Telegramdan nimasi bilan farq qiladi?

Birinchi navbatda, shaxsiy ma’lumotlarni yaxshiroq himoya qilish va yuqori darajadagi maxfiylik bilan. Ishonchli shifrlash va o‘z-o‘zidan yo‘q bo‘lib ketuvchi xabarlar foydalanuvchi maxfiyligining kafolatlari sifatida namoyon bo‘ladi. Shuningdek, Telegram X quyidagi qo‘shimcha funksiyalari bilan ham e’tiborni tortadi:

• Avatarlar va maxsus stikerkachalar yaratish;
• Videomuloqotlar qilish (1000 tagacha ishtirokchi bilan);
• Katta guruhlar va kanallarni boshqarish imkoniyatlari;
• Foto va video tahrirlovchi ichki vosita (kontentni ilova ichida o‘zgartirish), albomlar yaratish va katta fayllarni muammosiz yuborish.

Bundan tashqari, Telegram X odatdagi Telegramdan tezroq ishlaydi, qurilmada kamroq joy egallaydi va boshqa xizmatlar (YouTube, Google va boshqalar) bilan integratsiyalashadi. Bu esa ma’lumot almashish jarayonini moslashuvchanroq va osonroq qiladi.

Telegram X’ning vizual tomonini ham eslamaslikning iloji yo‘q: u zamonaviy dizaynga ega bo‘lib, rang-barang mavzular, shriftlar, ranglar va hatto bildirishnomalar ovozlarini sozlash imkonini beradi. Oddiy qilib aytganda, foydalanuvchi o‘z Telegramini boshqa hech kimnikiga o‘xshamaydigan qilib yaratishi mumkin.

Telegram X yordamida maxsus filtrlar va teglar orqali chatlarni tartibga solish, xabarlarni mavzular va hatto kategoriyalarga bo‘lish mumkin.

Bildirishnomalar bo‘yicha ham Telegram X o‘zining moslashuvchanligi bilan ajralib turadi. Foydalanuvchi xabar turlarini va ularning yetkazilganligi haqidagi ogohlantirishlarni tanlashi mumkin. Bu nafaqat oddiy tovushli xabarlar bilan, balki vibratsiya yoki miltillovchi ogohlantirishlar bilan ham amalga oshiriladi.

Telegram X’ning kamchiliklari

Biroq, Telegram X’ning ba’zi kamchiliklari ham bor:

• Mobil qurilmangiz resurslarini ko‘p sarflaydi;
• Ba’zan uchrab turadigan texnik nosozliklar (“baglar”);
• Qulay, lekin birinchi foydalanishda biroz noodatiy interfeys;
• Faqat Android foydalanuvchilari uchun mavjud, chunki 2018-yilda App Store’dan “noto‘g‘ri kontent” sabab chiqarib tashlangan.

Telegram X’da nimalar yo‘q?

• Hikoyalar va papkalar. Ularning o‘rniga “chatlar” va “qo‘ng‘iroqlar” bo‘limlari mavjud.
• O‘yinlar va pullik obunalar.
• Maxfiylikning maxsus sozlamalari yo‘q.
• Botlar va guruhlar bilan aloqalar yo‘q.

Telegram yoki Telegram X – qaysi biri yaxshiroq?

Agar maxfiylik siz uchun eng muhim narsa bo‘lsa va ma’lumotlaringizni iloji boricha yaxshiroq shifrlashni xohlasangiz, Telegram X aynan siz uchun. Shuningdek, bu versiya matn muharrirlari, foto/video kontent yaratuvchilari, biznes egalari va pullik, chalg‘ituvchi imkoniyatlardan charchagan hamda faqat messenjer sifatida foydalanmoqchi bo‘lgan foydalanuvchilarga mos keladi.